Павлодар облысында ормандағы өрт аумағы 1 мың гектарға жетті

19.04.2021, 07:40 kznews.kz

Павлодар облысында дала орман шаруашылығындағы өрт аумағы 1 мың гектарға жетті, деп хабарлайды KzNews облыстың Төтенше жағдайлар департаментінің баспасөз қызметі. «Шарбақты ауданында, Галкин ауылдық округінде дала орман шаруашылығы аумағында, No 46, 47, 48, 49, 64-73 кварталдарында өрт болып жатыр. Орманды алқапта құрғақ шөптер мен ағаштардың (қарағайдың), эрозияға ұшыраған дақылдардың жануы, өрттің жалпы аумағы 1 мың га құрайды. Оның ішінде орманды алқап шамамен 300 гектарды құрайды », – делінген хабарламада. Өрт болған жерде 45 техника мен 183 жеке құрам жұмылдырылған. Естеріңізге сала кетейік, 18 сәуірде өрттің шамамен аумағы 300 гектарға жуық екені хабарланған болатын .