Алматыдағы Әл-Фараби даңғылында жантүршігерлік жол апаты болды

20.05.2022, 06:38 kznews.kz

Алматының Әл-Фараби даңғылында болған жантүршігерлік жол апатының видеосы желіде тарап жатыр, — деп хабарлайды Tengrinews.kz тілшісі. Оның кадрларынан Toyota Camry Gracia көлігі жарнама бағанына соғылып, бүктеліп қалғанын көруге болады. Куәгерлер апаттан бір адам қаза тапқанын және тағы төрт адам зардап шеккенін хабарлады. «Бір жігіт қаза болды, обал-ай. Дәрігерлер 40 минут бойы өмірін сақтап қалу үшін жанталасты», — деп жазды куәгер. Алматы Полиция департаменті әзірше ресми пікір білдірмеді.