Үйінде 2 келі марихуана сақтаған Ақмола облысының тұрғынын әйелі полицияға ұстап берді

22.12.2022, 06:38 ktk.kz

Ақмола облыстық Полиция департаменті баспасөз қызметінің мәліметінше, биылғы жылғы желтоқсанның 19-да Атбасар полиция бөлімінің учаскелік инспекторына жергілікті ауылдардың бірінде тұратын әйел хабарласып, көмек сұрады. Әйел полицияға жұбайымен жанжалдасып қалғанын және оның 34 жастағы жұбайы үйінің шаруашылық құрылысында есірткі заттарын сақтап отырғандығын айтты. «Сол күні Атбасар аудандық полиция бөлімінің қызметкерлері айтылған үйді және оған іргелес жатқан шаруашылық құрылыстарды санкцияланбаған тінту кезінде өзіндік иісі бар, сұр-жасыл түсті өсімдік тектес зат салынған полиэтилен пакетін тапты. Сот-химиялық сараптаманың қорытындысына сәйкес алынған зат салмағы 1930,5 грамм кептірілген марихуана болып шықты. Осы дерекке байланысты Қылмыстық кодекстің 296-бабы 4-бөлігі бойынша сотқа дейінгі тергеу басталды. Есірткі құралдарын аса ірі мөлшерде заңсыз сақтағаны үшін күдікті 3 жылдан 7 жылға дейінгі мерзімге бас бостандығынан айырылуы мүмкін»,- деді ведомстводан. Айта кетсек, Ақмола облысында мемлекетаралық іздеуде жүрген қылмыскерлер ұсталды. Бізді Youtubе-та қараңыз!Бізді Facebook-та, Instagram-да, Telegram-да оқыңыз!