Опырылған автомобиль көпірі: алты адам табылмай жатыр

27.03.2024, 09:59 ktk.kz

Бұған дейін хабарлағанымыздай, оқиға сейсенбі күні түнгі сағат 1: 28 кезінде «Dali» жүк кемесі электр қуатының өшіп қалғаны туралы хабарлаған кезде болған. Кеме көпірдің тірегіне (шамамен 15 км/сағ) соғылғанға дейін бірнеше минут бұрын апат туралы сигнал берген.

Фрэнсис Скотт Ки көпірі қирағаннан кейін екі адам құтқарылды, біреуінің жағдайы жақсы және ауруханаға жатқызудан бас тартты, екіншісі ауыр жарақат алып, травматология орталығына жіберілді. Алты адам із-түзсіз жоғалып кетті, ал шенеуніктер судың температурасы мен онда болған уақытты ескере отырып, тірі қалғандарды табуға үміт жоқ екенін айтты.

Жағалау күзеті сейсенбі күні кешкі сағат 19:30-да белсенді іздеу-құтқару жұмыстарын тоқтатқанын хабарлады.

Құтқарушылар су астын барлау құрылғыларының көмегімен 50 фут (шамамен 15 метр) тереңдіктегі судан кем дегенде бес көлік құралын тапты: үш жолаушылар көлігі, цемент таситын көлік және басқа да көлік құралдары.

Тергеушілер бұл террористік акт емес, апатты жағдай деген қорытындыға келді. Қазіргі уақытта қалпына келтіру жұмыстары жүргізіліп жатыр.

«Dali» кемесін «Synergy Group» компаниясы басқарады және оны Данияның «Мaersk» кеме алыбы жалдаған.

Ұзындығы 1,6 миль (2,6 км) көпір 1977 жылы салынған және одан Балтимор қаласынан оңтүстік-шығысқа қарай Патапско өзені арқылы мемлекетаралық 695 жолын өткізеді.

Балтимор порты Америка Құрама Штаттарындағы 11-ші ең үлкен порт және тек 2023 жылы 750 000-нан астам көлік жөнелтілген автомобильдерді импорттау және экспорттау бойынша ең қарқынды порт саналады.

Президент Джо Байден көпірді қалпына келтіруге және федералды қаражат жіберуге уәде берді.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!