БҚО-да тоқ соққан 9 жастағы баланың жағдайы ауыр

02.05.2025, 06:55 kaz.365info.kz

Орал қаласында тоғыз жасар бала электр қосалқы станциясының төбесіне шығып, тоқ соғып, денесінің 95 пайызы күйіп қалды. Оқиға 30 сәуір күні кешкісін көпқабатты үйдің ауласында болған. Куәгерлердің айтуынша, бала сымға ілініп қалған добын алуға тырысқан. Батыс Қазақстан облыстық денсаулық сақтау басқармасы баланың жағдайы ауыр екенін мәлімдеді. Қазір ол балалар ауруханасында өкпені жасанды желдету аппаратына қосылған. Полиция оқиғаның мән-жайын анықтап, тергеу жүргізіп жатыр.