Tesla компаниясы бір тоқсандағы табысы бойынша рекорд орнатты

24.10.2020, 03:07 24.kz

Америкалық автоөндіруші Tesla компаниясы бір тоқсандағы табысы бойынша рекорд орнатты, деп хабарлайды «Хабар 24».Шілде мен қыркүйек аралығында электромобиль жасайтын компания 8,8 миллиард доллар тапқан. Мұндай нәтижеге Tesla жаңа көліктерді сатудың арқасында қол жеткізген. Компания өкілдерінің айтуынша, Tesla жыл соңына дейін 500 мың электркар жасап шығармақ екен. Ал сарапшылардың сөзінше, аталған компания індет кезінде қандай да бір табысқа кенелген санаулы автоөндірушілердің бірі.Айта кетейік, бүгінде автоконцерннің нарықтағы құны 400 миллиард долларға жуық.