Ұмыт болған мереке немесе Қазақстан Егемендігіне – 30 жыл!

25.10.2020, 08:47 aikyn.kz

Бүгін Қазақстанды тәуелсіз ел ретінде бекіткен алғашқы құжатқа 30 жыл толды – 1990 жылғы 25 қазанда Егемендік туралы декларация қабылданды. Оған сәйкес бұдан былай Қазақстан – халықаралық құқық субъектісі, ал Қазақстан халқы – мемлекеттік биліктің бірден-бір қайнар көзі деп жарияланды. Олай болса аталған күнді ұлықтаумен қатар, оның маңызын ұғынып қандай қоғамдық-саяси ахуалда қабылданғанын назарда ұстау айрықша өзекті мәселе. Әуелде Ресей империясының, кейін Совет одағының темір шеңгелін көрген қазақ елі бұл күнді асыға күткен болатын. Сонау ХVIII ғасырдан бастап ХХ ғасырдың 30-жылдарына дейін ұлт азаттығы жолында толастамаған көтерілістер, ел ағаларының қан майдан мен саяси алаңдағы құрба