Сенбі күні Өскемен, Теміртау және Балқашта ауа ластанады

16.01.2021, 04:08 inform.kz

НҰР-СҰЛТАН. ҚазАқпарат – «Қазгидромет» РМК мамандары 16 қаңтар күні Қазақстан қалаларында ауа сапасы қандай болатынын жариялады, деп хабарлайды ҚазАқпарат. Кәсіпорынның мәліметінше, сенбі күні еліміздің үш қаласында – Теміртау, Өскемен және Балқашта қолайсыз метеорологиялық жағдай қалыптасып, ауа ластануы мүмкін. Өзге шаһарларда метеоахуал - бірқалыпты. Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.