Құдыстағы қақтығыстан 200-ден астам адам жарақат алды

08.05.2021, 11:48 nege.kz

Таяу Шығыстағы Құдыс қаласында бір аптадан бері қақтығыс басылмай тұр. Алматы, NEGE. Жанжалға Израиль сотының бірнеше араб отбасын Құдыстың шығысынан басқа жаққа жер аударуы себеп. Осы шешімге қарсылық ретінде басталған бейбіт шеру полициямен қақтығысқа ұласты. Рейтер агенттігі 200-ден астам палестиналық және бірнеше еврей офицерінің жарақат алғанын хабарлады. Тәртіпсіздіктердің ортасында жүрген халықаралық «Қызыл жарты ай» ұйымының бір белсендісі көзінен айырылған, тағы 2 әріптесінің басы жарылған.  Аталған мәселе бойынша Палестина президенті Махмұд Аббас Біріккен Ұлттар Ұйымы Қауіпсіздік кеңесінің шұғыл отырысын өткізуге шақырды.