Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

ОСК "Байтақ" және Respublica партияларына барлық аймақтағы мәслихат сайлауына қатысуға рұқсат берді

azattyq.org

ОСК Байтақ және Respublica партияларына барлық аймақтағы мәслихат сайлауына қатысуға рұқсат берді

Жуырда тіркелген "Байтақ" және Respublica партиялары барлық аймақтағы мәслихат сайлауына қатысады. Орталық сайлау комиссиясының (ОСК) хабарлауынша, аталған партиялар елдің барлық аймағынан бөлімше ашқаннан кейін сондай мүмкіндікке ие болған.Екі апта бұрын ОСК жаңадан тіркелген Respublica-ның аймақтағы бөлімшесі жоқ болғандықтан, партия мәслихат сайлауына жіберілмейді деп мәлімдеген еді. Өткен аптада партияның Атырау облысынан басқа аймақтағы мәслихат сайлауына қатыса алатыны хабарланған.Ал өздерін "жасылдар" ретінде көрсетуге тырысатын "Байтақ" партиясы бұған дейін тек 12 аймақтағы мәслихат сайлауына жіберілген еді. Бір апта бұрын партияның Абай, Ақмола, Жетісу, Солтүстік Қазақстан және Ұлытау облыстарында бөлімшесі болмаған.Былтыр билік елде саяси партияны тіркеу ережелері жеңілдегенін, партия құру үшін қажет адамдар саны 20 мыңнан бес мыңға дейін қысқартылғанын мәлімдеген. Содан бері елде "билікшіл" екі партия – "Байтақ" пен Respublica тіркелді.Алайда оппозициялық партия құрғысы келген бірнеше бастамашыл топтың өкілдері әлі тіркеле алған жоқ. Олардың жетекшілері "билік бізді саясатқа араластырмау үшін қолдан тосқауылдар жасап, тіркемей отыр" деп айтқан. Билік мұны жоққа шығарды.Қазақстанда өткен сайлаулардың ешқайсысын Батыс бақылаушылары әділ деп бағалаған жоқ.
  • Соңғы
Басқа жаңалықтар

Күнделікті жаңалықтар

Бүгін,
2 наурыз 2024