Парламентте депутаттық топ құрылды «Бір ел – Бір мүдде»

03.06.2023, 10:05 inform.kz

Сенат Бюросының мүшелері Мемлекет басшысының тапсырмасы бойынша құрылған «Бір ел – Бір мүдде» депутаттық тобын тіркеу мәселесін қарады, деп хабарлайды ҚазАқпарат ҚР Парламент Сенатының баспасөз қызметіне сілтеме жасап. Еліміздің Президенті Қазақстан халқы Ассамблеясының XXXII сессиясында «Бір ел – Бір мүдде» депутаттық тобын құру туралы бастама көтерген болатын. Мемлекет басшысы Қасым-Жомарт Тоқаев партияларды ұлттық бірлікті нығайту мәселесіне белсенді тартуда Парламенттегі депутаттық бірлестік пәрменді тетік болуы мүмкін екенін және Ассамблеядан сайланған бес сенатор оның негізін құрай алатынын атап өткен еді.