Қарағанды облысында мас депутат тұрғынды қарумен қорқытқан

23.10.2024, 08:03 kaz.365info.kz

21 қазанда Қарағанды облысының Нұра ауданына қарасты Ахметауыл ауылында белгісіз біреу мас халде жүріп, 60 жастағы жергілікті тұрғынды қарумен қорқытқан. Полиция қызметкерлері күдіктіні анықтап, ұстады. Ол аудандық мәслихаттың 38 жастағы депутаты болып шықты. Оның үстінен «Ұсақ бұзақылық» бабы бойынша әкімшілік іс қозғалып, сот шешімімен 15 тәулікке қамауға алынды. Сонымен қатар, «Қорқыту» және «Заңсыз атыс қаруын алып жүру» баптары бойынша қылмыстық іс қозғалды. Қылмыстық іс Қарағанды облысының полиция департаменті басшылығының бақылауында.