"Бір саясат жүріп жатқаны анық": Журналист хиджабтағы блогерлердің көбеюіне қатысты ойын айтты

13.03.2023, 09:11 kaz.caravan.kz

Ол әлеуметтік желіде "Діни контент көбейді. Хиджаптағы блогерлер көп. Осы туралы ойыңыз" деген оқырман сауалына "Бір саясат жүріп жатқаны анық" деп жауап берді , деп жазады Caravan.kz медиа-порталы. "Үлкен-кіші қажылықты сәнді етті. Апаратын турларды жұлдыздарға жарнамалатты. Бұрын спортшылардың арасында көп еді. Биыл әнші, актрисаларды орады. Бір саясат жүріп жатқаны анық. Мен діндарлықты емес, дінді құптаймын. Болып жатқан құбылыстың басым көпшілігі саналы түрде Аллаға махаббаттан емес, өзін таба алмай аласұрғаннан болып жатқаны өкінішті. Осы мәселені жанынан бақылап көргенімде жігіті үшін, жігітіне ұнау үшін, әйтеуір бір ортада болу үшін жүрген көп қызды көрдім. Ал олардың жігіттері үйінде тыңдалмай, еленбей, іштен тынып, сырттан ұстаз іздегендер екенін байқадым. Баяғы ата-анадан махаббат көрмей, ортада байланыстың үзілуі, әке-шешесіне қарағанда бөтен біреулердің авторитет болғаны ауыр", - деген ол.