Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

«Әйелім ешқашан кетемін демейді»: Танымал блогер бедеу екенін ашып айтып, жылап жіберді

kaz.caravan.kz

«Әйелім ешқашан кетемін демейді»: Танымал блогер бедеу екенін ашып айтып, жылап жіберді

Айтуынша ол он жылдан астам уақыт бойы бедеулік диагнозымен күресіп келе жатыр, деп хабарлайды Caravan.kz. Блогердің сөзінше бұл диагнозы жайлы ол әйеліне үйленбестен бұрын ашып айтқан екен. «Ұйқысыз түндерім көп болды. Бекер үйлендім деген кездер де болды. Мәселе әйелімді жек көргенде емес. Сынақ маған беріліп тұр, бекер үйлендім, егер үйленбегенде, осылай жүре беретін бе едім, дедім. Қай мен деген дәрігердің есігін тоқылдатып барсаң да, айтылатын бір диагноз. Яғни кінә ер адам жақтан. Менің денсаулығымның кесірінен бізде қазір бала жоқ. Бұл диагнозбен жүргеніме он жыл болды. Үйленгеніме жетінші жыл болса, осы диагнозбен жүргеніме он жыл. Мен үйленердің алдында әйеліммен сөйлескенмін. Ашып айттым, ол кезде мен тамада, КВН-щик болып жүрдім, желіде небары 100 мың оқырманым бар. Ол да біреудің өмірі, мен біліп тұрып айтпай, үйленіп алу дұрыс емес... Сөйтіп бәрін ашық айттым, біздің өміріміз «күл бола ма, гүл бола ма» білмеймін дедім. Бірақ қиындықты да, жақсылықты да бірге көреміз дедім. Сөйтіп әйеліме ұсыныс тастадым, ол жылады. «Жоқ, иә» деген де жоқ. Сөйтіп келесі күні датасын айттым, сол күні алып қашып кеттім», - дейді блогер. Ал тілшінің «Бұл диагнозды қалай білдің?» деген сұрағына ол былай деп жауап берді: «Ауырдым, операцияға түстім. Үлгердің келіп, әйтпесе өліп кететін едің деді. Былайша айтқанда бұтым ауырды, бардым, сөйсем дереу операция керек, әйтпесе ісікке айналуы мүмкін деді. Операция жасалды, шықтым, шыққаннан кейін менде бедеуліктің белгілері бар, сенде бала болмауы мүмкін деді. Сөйтіп олар бәрін біліп тұрса да, мені үміттендіріп шығарып салды. Ол кезде 21-де едім, қазір 31-демін, 10 жыл болды... Шетелге де бардық, онда барғанда бәрі ойлайды, «қыдырып, демалып» жүр деп. Оның артында жылау, аңырау, шок болу, әйеліммен сөйлеспей қалудың бар екенін. Кейде тіпті «ажырасайықшы, біз бір-бірімізбен тұра алмаймыз» деген кездер болады. Сол кезде айтылады, сосын басыламыз. Әйелім ешқашан мен кетемін демейді ғой... Кейде ренжимін, кейде риза боламын, кетемін демейді, соңына дейін бірге боламын дейді. Ол былай дейді: «Менде сондай болса, сонда сіз кетіп қаласыз ба?» дейді. Кінәлі болып тұрып, осы жағдаймен өмір сүру қиын негізі. Егер екеуміздің орнымыз ауысқан кезде қандай шешім қабылдайтынымды білмеймін», - деді блогер. Сұхбат барысында аталған диагнозға қарамастан, балалы болуға әлі де үміті бар екенін айтып, көз жасына ерік берді. «Менің арманым үйге кірген кезде баламның «папа» деп алдымнан жүгіріп шығуы. Маған ақша, дүние маңызды емес. Ақшасыз да өмір сүре аламын. Қарапайым отбасындағылардай балам «папа» деп алдымнан жүгіріп шықса, басқа түк керек емес. Мен соны армандаймын және соған жетуге әрекет етемін», - деп көз жасына ерік берді блогер.

  • Соңғы
Басқа жаңалықтар

Күнделікті жаңалықтар

Бүгін,
24 маусым 2024