Төреғали Төреәлі Ақсуат халқын он сағат бойы күткізіп қойған

25.07.2024, 08:09 kaz.365info.kz

Таяуда әнші Төреғали Төреәліні ақсуаттықтар он сағат бойы тікесінен тік тұрып күткен. Әлеуметтік желідегі мәліметке сүйенсек, Төреғали Төреәлі Ақсуат қаласында жеке концертін өткізген. Бірақ шоу-бизнес өкілі тыңдармандарын 10 сағат күттіріп қойған. «Мен Алматыдамын. Алматыға келе сала жұмыстарды бастап кеттік, әзірге Ақсуатта өткен концерттегі қызықтарды бөлісейін. Халқым мені, мен халқымды сағынып қалыппыз. Аллам абыройдан айырмасын!», – деп жазды әнші. Ал Қазақстан эстрадасының жұлдызы халықты ұзақ күттіргенін ашық мойындады. «Көптен күткен Төреш ағаны 10 сағат бойы тік тұрып күтіп тұрды. 25 мың халық 20.00-ден бастап күтті. Осындай керемет эмоция сыйлаған жандарға мың алғыс», – деп жазды желіде әншінің бір оқырманы.