Бокстан жастар арасындағы әлем чемпионатын өткізу мерзімі өзгерді

26.06.2020, 15:01 24.kz

Халықаралық бокс қауымдастығы (АИБА) жастар арасындағы әлем чемпионатын кейінге шегерді, деп хабарлайды Olympic.kz.Жастар арасындағы дүниежүзілік біріншілік 2020 жылдың 2-9 қарашасында Польшаның Кельце қаласында өтеді деп жоспарланған еді. Алайда коронавирус пандемиясына байланысты біріншілік 2021 жылдың 10-24 сәуірі аралығына ауыстырылды. Дода 3000 адамдық Hala Legionow спорт кешенінде өтеді. Жастар арасындағы әлем біріншілігіне 2002 жылдың 1 қаңтары мен 2003 жылдың 31 желтоқсанына дейін туған жас былғары қолғап шеберлері қатысады.