Головкин мен Мунгия арасындағы жекпе-жек қашан өтетіні белгілі болды

31.12.2020, 09:39 aikyn.kz

Қазақстандық боксшы Генадий Головкин (41-1-1, 36 КО) мен мексикалық Хайме Мунгия (36-0, 29 KO) арасында келіссөздер басталды. Бұл Aikyn.kz Sports.kz-ке сілтеме жасап хабарлайды. Мунгияның промоутері Фернандо Белтранның мәліметі бойынша, жекпе-жек 2021 жылдың мамыр айында өтуі керек. Сонымен қатар Белтран тараптар арасындағы келіссөздер оң нәтиже береді деп мәлімдейді. Головкин Мунгиямен екі жыл бұрын жұдырықтасуы мүмкін еді. Бірақ ол кезде комиссия оны әлем чемпионы титулы үшін жекпе-жек өткізуге тәжірибесі жеткіліксіз деп санап, мексикалықтың кандидатурасын жарамсыз деп таныған болатын.