Олимпиадада тағы бір сенсация тіркелді

26.07.2021, 10:20 24.kz

Баскетболдан АҚШ құрамасы соңғы 15 жылда бірінші рет жеңілді, деп хабарлайды «Хабар 24».Жазғы ойындардың 15 дүркін жеңімпазы Токио төрінде Франция құрамасына есе жіберді. Қорытынды есеп: 76:83. Айта кетейік, америкалық баскетболшылар соңғы рет 2004 жылы Афина Олимпиадасының жартылай финалында Аргентина құрамасынан жеңіліп, қола жүлдегер атанған еді. Одан кейін 25 мәрте қатарынан жеңіске жетті. Соңғы 3 олимпиададаның алтын жүлдегері атанды. Баскетболдан іріктеу кезеңі жалғасып жатыр және АҚШ құрамасы биыл да бас жүлдеден үмітін үзбейді. Өйткені жарыс талабы бойынша ширек финалға әр топтан екі команда шығады.