Ел чемпионаты басталды

02.12.2022, 06:27 alashainasy.kz

Астанада «Алау» мұз айдыны сарайында шорт-тректен «ASTANA-OPEN» ашық қала чемпионаты басталды. Біріншілік қала әкімдігінің қолдауымен қалалық Дене шынықтыру және спорт басқармасының ұйымдастыруымен өтіп жатыр. Ұйымдастырушылардың ай­туынша, жарысқа еліміздің Көк­шетау, Қостанай, Қызылорда, Сол­түстік Қазақстан облысы және Астана қаласынан 163 қатысушы тіркелген. Олар екі күн бойы бақ сынайды. «Балалар жылы аясында өткі­зіліп отырған чемпионатқа 2009 жылы туған және одан үлкен жас­тағы жеткіншектер қатысып жа­тыр. Еліміздің бес өңірінен кел­ген балалар екі күн бойы нағыз үздік­тер­ді анықтайды», – деді Бауыр­жан Сахарбаев.Сонымен қатар жарысқа ха­лық­аралық дәрежедегі спорт ше­бері, Әлем кубогы мен әлем бірін­шіліктерінің жүлдегері, жақында ғана шорт-тректен өткен әлем ку­богы кезеңінде күміс жүлде ал­ған Абзал Әжіғалиев құрметті қонақ ретінде шақырылған. Одан бөлек, чемпионаттың ашылу салтанатына Астана қаласы Дене шынықтыру және спорт басқармасының бұқаралық спорт бөлімінің басшысы Азамат Ағза­мов, №2 Балалар мен жас­өспірім­дердің мамандандырылған спорт мектебінің басшысы Бауыржан Сахарбаев, шорт-тректен бас жат­тықтырушы, Еңбек сіңірген қай­раткер Мәдіғали Қарсыбеков, шорт-тректен ел құрамасының бас жаттықтырушысы Нұрберген Жұ­ма­ғазиев қатысты. «Шорт-трек елімізде жаңадан дамып келе жатқан спорт түрі десе де болады. Мұндай жарыстар өте қызықты өтеді. Өйткені бұл жет­кін­шектердің алғашқы белесі, есте қалатын жарысы болмақ. Олар үшін мұндай турнир жаңа тәжі­рибе, жаңа мүмкіндік сыйлайды. Мұз айдынында өнер көрсететін кішкентай спортшыларымызға сәттілік тілеймін. Жеткіншектерге айтар кеңесім, айналысып жүрген спорт түрі, ең алдымен, өздеріне ұнауы керек. Спортқа деген ма­хаббат болғанда ғана үлкен нәти­жеге қол жеткізе алады. Мысалы, шорт-трекпен айналысып келе жатқаныма 18 жыл болды. Қысқы спорттың осы түрін дамытуға өз үлесімді қосқым келеді. Бүгінгі жас ізбасарларымыз болашақта Олимпиада жалауын желбіретеді деген үміттемін», – дейді Абзал Әжіғалиев.Айта кетерлігі, чемпионат қо­рытындысы бойынша алдағы қыс­қы маусымға үздік спорт­шы­лар­дан тұратын Астана қаласының құрама командасы жасақталады. Жеңім­паздар әр жас тобындағы және әр қашықтық бойынша жеке бірінші­ліктерде анықталып, дип­ломмен, ме­даль­мен марапаттала­ды. Айбике ЖАНАСЫЛ aikyn.kz Тектес: