Қатар 2022: Бразилия Кореяны тас-талқан етті

06.12.2022, 13:10 alashainasy.kz

Бразилия құрамасы Катардағы әлем чемпионатының ширек финалына жолдама алды, - деп хабарлайды Alashainasy.kz тілшісі Vesti.kz-ке сілтеме жасап. 1/8 финалда бразилиялықтар Оңтүстік Кореямен ойнады. Матч тағдыры бірінші таймда шешіліп қойды. Бразилия футболшылары үзіліске дейін төрт гол соғып тастады. 7-минутта Винисиус Жуниор матч есебін ашты. Бес минуттан соң Неймар пенальтиден есепті еселеді. Ал 29-минутта Ришарлисон Бразилияның әдемі комбинациясын голмен аяқтады. 36-минутта Лукас Пакета бразилиялықтардың тағы бір голын соқты. Екінші таймда корей футболшылары есеп айырмасын қысқарта алды. 76-минутта Бэк Сын Хо алыстан дәл соққы жасады. Бірақ Оңтүстік Кореяның одан әріге шамасы жетпеді. Қорытынды есеп - 4:1. Бұл ойында Бразилия құрамасы әлем чемпионатының рекордын орнатты - мундиальде 113-матчін өткізді. Олар бұл көрсеткіш бойынша Германиядан (112 матч) озып отыр. Енді Бразилия ширек финалда Хорватиямен кездеседі. Тектес: