Түркияда өткен Еуразия Кубогы додасында ақмолалық спортшылар ерекше көзге түсті

06.02.2023, 06:29 alashainasy.kz

Түркияда асық ату мен тоғызқұмалақтан Еуразия Кубогы үшін тартысты дода өз мәресіне жетті. Ақмолалықтар халықаралық жарыстарда тамаша нәтиже көрсетті, деп хабарлайды Zakon.kz. Асық ату мен тоғызқұмалақтан Еуразия Кубогына Қырғызстан, Чехия, Германия, Румыния, Қазақстан және Түркия спортшылары өзара бақ сынады. Қазақстан құрама командасының құрамында Ақмола облысының спортшылары да өнер көрсетті. Асық атудан Еркебай Сәрсеков пен Тимур Әбілов чемпион атанды. Ал Думан Көгершін Бес асықтан жарыста күміс медаль жеңіп алды, - дейді Ақмола облысы дене шынықтыру және спорт басқармасының баспасөз хатшысы Махаббат Большина. Ақмола облысының аға жаттықтырушысы Самат Әукеновтың айтуынша, қазақстандықтар жалпыкомандалық есепте бірінші орынға ие болды.