Ұлттық ұлан офицері Азамат Дәулетбеков үшінші рет Азия чемпионы атанды

14.04.2024, 12:09 newsroom.kz

ҚР Ұлттық ұланының Спорт командасын даярлау орталығының әскери қызметшісі лейтенант Азамат Дәулетбеков еркін күрестен 2024 жылғы Азия ойындарының чемпионы атанды, деп хабарлайды newsroom.kz порталы DKNews.kz-ке сілтеме жасап.

Олимпиада лицензиясының иегері Азамат Дəулетбеков (86 кг) Қырғыз Республикасының астанасында өтіп жатқан байрақты бәсекеде 86 келі салмақ дәрежесінде өнер көрсеткен отандасымыз финалда өзбекстандық Джабраил Шапиевті 5:2 есебімен жеңді.

Ұлттық құрама көшбасшысы финалдық кездесулерге дейін, яғни күндізгі сессияда ирандық спортшы Хади Вайаейпураны ұпай санымен, одан кейін жартылай финалда қытайлық Пейлонг Лиді 11:0 есебімен таза жеңген болатын.

Айта кетейік, еркін күрестен Қазақстан құрамасы жарысты 1 алтын, 2 күміс және 1 қола жүлдемен аяқтады. Еркін күрес шеберлері арасынан жалғыз алтын жүлдені Ұлттық ұлан офицері Азамат Дәулетбеков иеленді.