Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Өз басымнан да өткен: Айтжанов Тәшкенбайдың оқуы туралы...

turkistan.today

Өз басымнан да өткен: Айтжанов Тәшкенбайдың оқуы туралы...

Күні кеше Ташкент қаласында босктан Әлем чемпионаты болып, төрт бірдей боксшымыз алтын медальмен жеңіс тұғырына көтерілді. Ерік жігері мол, еңбекпен спорт шыңына көтерілген боксшыларымыздың көптігі қуантады. Алайда ол боксшылардың жеңісі оңай келмегені анық. Оған дәлел әлем чемпионы Санжар Тәшкенбайдың жоғары оқу орнынан шығып қалғаны, деп хабарлайды Turkistan Today.“Ақылы оқуға ауысайын десем, қаражат жетіспейді, үйде менен басқа бес бала бар, әкем қарапайым таксист, анам үй шаруашылығынан босамайды”,-деген сөздерін белгілі спорт журналисі Ғалым Қожабеков Ташкенттен жолжазба жариялаған еді. Осы бойынша бокстан ұлттық құрамасының бас бапкері Мырзағали Айтжанов жауап берді. “Ондай жағдай өзімнің басымнан да өткен. 8 сыныпты бітіріп, техникумге түсе алмай қалғанмын. Санжардың жағдайын кеше есітіп жатырмын. Өзінен де кінә болған шығар. Сабаққа уақытылы бармаған шығар. Мұғалімдерді кінәлауға болмайды. Қазіргі жағдайын көргендер енді өкінетін шығар. Мықты спортшыдан айырылдық деп. Бұл Астанада болған жағдай. Оңтүстікте бұндай жағдай болмайды. “Спорт шебері” атағын алғанның өзіне жақсы қарайды. Келешекте жақсы спортшы шығатынын біліп, екінші, үшінші диплом алып, оқып шығуына мүмкіндік жасайды. Санжар енді оқу орындарын өзі таңдайтын болады деп ойлаймын. Өйткені ондай спортшы керек”,-деп жауап берді ол. Журналисттің “сонда Қазақстанда не атақ, не ақшаң болуы керек пе?” деген сұрағына, бас бапкер “ақшаң дегенге келіспеймін. Ең бастысы білімді болу керек немесе мықты спортшы болу керек деп ойлаймын” деп қысқа қайырды. Естеріңізге сала кетсек, Санжар Тәшкенбай 48 келі салмақта жұдырықтасып, алтын медаль иегері атанды. Осылайша еліміздің құрамасы жалпыкомандалық есепте Өзбекстаннан кейін екінші орынға жайғасты.

  • Соңғы
Басқа жаңалықтар

Күнделікті жаңалықтар

Бүгін,
3 қазан 2023