Құтты болсын! Қазақстандықтар велотректен Азия чемпионатының қола жүлдегері атанды

23.02.2024, 08:21 newsroom.kz

Үндістан астанасы Нью-Дели қаласында велотректен ересектер арасында 43-ші, жасөспірімдер арасындағы 30-шы, пара-спортшылар арасындағы 12-ші Азия чемпионаты басталды,- деп хабарлайды newsroom.kz.

Бəсекенің алғашқы күні із кесу жарысында Қазақстан ерлер құрамасы (Әлішер Жұмақан, Дмитрий Носков, Рамис Дінмұхаметов) командалық жарыста қола жүлдеге қол жеткізді.

Олардың уақыт көрсеткіші - 4:03.129 секунд. Алтын медаль Жапония құрамасының еншісінде болса, күміс Қытай еліне бұйырды.

Сондай-ақ тағы бір отандық құрам спринттен (Кирилл Курдиди, Дмитрий Резанов, Сергей Пономарев) 5-сатыға жайғасты.

Сары құрлық додасына биыл 23 елдің үздіктері жиналды.

Еліміздің намысын 9 спортшы қорғап жатыр. Азия біріншілігі 26 ақпанға дейін жалғасады.