17 жастағы Жібек Құлымбетова джиу-джитсудан Азия чемпионатында «алтын» алды
Джиу-джитсу мен грепплингтен 8 дүркін әлем чемпионы, Самат Рамазанов атындағы академияның спортшысы, күрең белбеу иегері 48 келіге дейінгі салмақта сынға түсті, деп хабарлайды Almaty-akshamy.kz. Ол аталған турнирде үш жекпе-жек өткізіп, БАӘ мен Моңғолиядан келген қарсыластарын қапы қалдырды. Жарыс «но-васа» дисциплинасы бойынша өтті. Спортшы Instagram-дағы парақшасында марапаттау рәсімі мен әнұран орындалған сәттің видеосын жариялады. Джиу-джитсудан Азия чемпионы атандым. Мені үнемі қолдап жүретін бапкерім Самат Айтпанбетке және барша тәлімгеріме шексіз алғысымды білдіремін. Барлығы үшін Айдын ағаға және дене шынықтыруға көмектескен Мұхамеддин ағаға ерекше рахмет. «Мен өз әріптестеріме де алғыс айтамын, біз бұдан былай да аянбай еңбек етіп, еліміздің туын халықаралық ареналарда бірге желбіретеміз», - деп жазды спортшы. Еске сала кетейік, Жібек Құлымбетова былтыр джиу-джитсудан Азия чемпионы атанған болатын.
- Соңғы
- Танымал
Күнделікті жаңалықтар
20 мамыр 2024
