Юлия Путинцева Римде АҚШ чемпионын тізе бүктірді
![Юлия Путинцева Римде АҚШ чемпионын тізе бүктірді](https://img43-kz.redtram.com/news/617447038.jpg?v=1715325906)
Қазақстандық теннисші екінші айналымда әлемнің 35-ракеткасы, 2017 жылғы АҚШ ашық чемпионатының жеңімпазы, америкалық Слоан Стивенспен бетпе-бет келді.
Бірінші партияда Путинцева 6:3 есебімен басымдылық танытты.
Юлия екінші сетте қарқынын үдете түсті – 6:2.
Бір сағат 14 минутқа созылған бәсеке барысында қазақстандық спортшы эйс жасамағанымен, 7 брейк-пойнттың төртеуін құр жіберген жоқ. Стивенс мақтанарлық ештеңе көрсетпеді – 4 брейк-пойнттың біреуін ғана пайдаланды.
Юлия Путинцева төртінші айналымға шығу үшін әлемнің 1-ракеткасы, Польша өкілі Ига Швентек немесе рейтингіде 77-сатыдағы америкалық Бернарда Пераның қай жеңгенімен таласады.
Қазақстандық теннисші WTA Live рейтингісінде қазіргі кезде 37-орынға көтеріліп тұр.
Қазақстанның бірінші, әлемнің 4-ракеткасы Елена Рыбакина Рим жарысының екінші айналымында рейтингіде 161-орындағы румыниялық Ирина Бегумен кездеседі.
Дереккөз: Kazinform
Бізді Youtubе-та қараңыз!Бізді Facebook-та, Instagram-да, Telegram-да оқыңыз!
- Соңғы
- Танымал
Күнделікті жаңалықтар
27 шілде 2024