Бокстан Қазақстан құрамасының 12 қызметкері жаппай жұмыстан шығарылды

13.08.2024, 07:46 kaz.365info.kz

Бокс федерациясы Қазақстан құрамасының жаттықтырушылар штабының жаппай отставкаға кеткенін мәлімдеді. «Бокстан Қазақстан ерлер ұлттық құрамасының Париждегі Олимпиада ойындарындағы төмен нәтижесіне байланысты келесі мамандардың қызметінен босатылғанын хабарлаймыз», – делінген Бокс федерациясының әлеуметтік желідегі парақшасында. Тізім: – Қазақстан бокс федерациясының вице-президенті – Әзиз Қожамбетов; – Аға жаттықтырушы – Марат Жакиев; – Жаттықтырушылар – Нүркен Андасов, Нұржан Насанов, Ғани Әшкеев, Ермек Ертаев, Талғатбек Жақпеков, Зәкір Сафиулин, Азамат Мақажанов, Жәміл Жүсіп; – Жаттықтырушы-кеңесші – Донатас Янусевичус.