Сенсация! Қазақстан футзалдан Португалияны жеңді

27.09.2024, 07:41 kaz.365info.kz

Футзалдан Қазақстан құрамасы Өзбекстандағы әлем чемпионатының плей-офф кезеңі аясында Португалия құрамасына қарсы ойнап, 2:1 есебімен жеңіске жетті. Осылайша Қазақстан құрамасы өз жолында әлем чемпиондары болған Португалия құрамасын жарыстан шығарып, әлем чемпионатының ширек финалына жолдама алды. Ойында алғаш болып Шыңғыс Есенаманов есеп ашса, қарсыластар Зикидің көмегімен теңестірді. Ал екінші кезеңнің ең соңғы сәттерінің бірінде Дәурен Тұрсағұлов жеңіс голын соқты. Сөйтіп, 2021 жылғы әлем чемпионатында кеткен есені қайтарды. Ол кезде жартылай финалда пенальтиден ұтылғанбыз.