Астанадағы турнирде Ғұсман Кырғызбаев жартылай финалға шықты

09.05.2025, 13:01 sport12.kz

Астанада өтіп жатқан дзюдодан Qazaqstan Barysy Grand Slam турнирінде қазақстандық төрт балуан жартылай финалға шықты, деп хабарлайды Sport12.kz.

60 келіде бақ сынаған Талғат Орынбасар ширек финалда Өзбекстан спортшысын жеңді. Ал Ғұсман Кырғызбаев (66 келі) Оңтүстік Корея өкілінен басым түсті.

Сондай-ақ мұндай мүмкіндікке Аман Бақытжан (60 келі), Мағжан Шамшадин (60 келі) шықты.

Аталған жарыс нәтижесінде IJF ережелеріне сәйкес жарыстың жеңімпаздары мен жүлдегерлері арасында әлемдік және олимпиадалық рейтингілерде ұпайлар бөлінеді. Атап айтқанда, І орын үшін — 1 мың, күміс жүлдегерге — 700, ал қола медаль алғанға 500 ұпай есептеледі.