11 жас боксшымыз Азия чемпионатының алтынына таласады

20.05.2025, 13:22 sport12.kz

Бокстан Коломбода (Шри-Ланка) өтіп жатқан 22 жасқа дейінгі Азия чемпионатында жастар санаты бойынша ерлер арасындағы финалистер белгілі, деп хабарлайды Sport12.kz

Рингке бірінші шыққан 63,5 келідегі Мұхит Нұрқабылұлы Сауд Арабиясының өкілі Зияд Алшехриді 2-раунд аяқталмай жатып, техникалық нокаутпен жеңді.

67 келідегі Сұлтан Тұрдалы да жекпе-жекті соңына дейін жеткізбеді. Төреші Сауд Арабиясының спортшысы Райан Аважи қайта-қайта жойқын соққыларды қабылдаған соң, 2-раундта кездесуді тоқтатуға мәжбүр болды.

75 келіде Жасұлан Бердалы мен жарыс қожайыны Санджит Перераның жекпе-жегі 1 жарым минутқа ғана жалғасты. Жанкүйерлердің қызу қолдауымен Санджит алғашқы секундта алға ұмтылғанымен, жерлесіміз қарсыласын бірден сабасына түсірді.

80 келіде Игорь Соловьев бейтарап ретінде сынға түскен Абхишек Сингхқа мүмкіндік қалдырмады. Отандасымыздың 2-раундта бүйірден жасаған соққысынан кейін қарсылас қалыпқа келіп үлгермеді. Техникалық нокаут.

86 келіде Нұрсұлтан Қыстаубай қырғызстандық Әзірет Автандиловпен жұдырықтасты. Терезесі теңдей өткен айқаста төрешілер ұзақ уақыт ойланып, ақыры 2:3 есебімен жеңісті қырғыз өкіліне берді.

+92 келіде Бексұлтан Қайратұлы БАӘ өкілі Орхан Агаевпен кездесті. Алғашқы раундта қарсылас лас айқасқаны үшін, төреші бір ұпайын шегеріп тастады. Бірақ қалған уақ