Даңқты боксшы Мэнни Пакьяо рингке қашан оралады?

22.05.2025, 11:24 sport12.kz

Аты аңызға айналған филиппиндік былғары қолғап шебері, сегіз салмақ дәрежесіндегі бұрынғы әлем чемпионы Мэнни Пакьяо рингке қайта оралады, деп хабарлайды Sport12.kz.

46 жастағы Пакьяо 19 шілде күні АҚШ-тың Лос-Анджелес қаласында өтетін бокс кешінде WBC нұсқасы бойынша жартылай орта салмақтағы чемпион америкалық Марио Барриоспен (29-2-1, 18 КО) жекпе-жек өткізеді. Бұл – Пакьяоның соңғы төрт жылдағы алғашқы айқасы болмақ.

– Мен ораламын. Тарих жазатын уақыт келді,– деді Пакьяо әлеуметтік желісінде.

Еске салсақ, 46 жастағы Пакьяо 2021 жылдың тамыз айында өткен соңғы жекпе-жегінде кубалық Йорденис Угасаны (27-5-0, 12 КО) төрешілердің бірауыздан берген шешімі бойынша жеңген еді. Кәсіпқой боксқа арнаған 26 жылында Пакьяо жалпы саны 72 жекпе-жек өткізіп, 62-сінде қарсыласынан басым түскен. Жеңген айқастарының 39-ын мерзімінен бұрын аяқтаған.