Елорда: Бірінші ауысымдағы оқушылар онлайн оқиды

25.02.2021, 11:39 nege.kz

Астанада ауа райына байланысты бірінші ауысымдағы оқушылар мектепке бармайды. Нұр-Сұлтан, NEGE. «25 ақпан күні ауа райының қолайсыздығына байланысты қала мектептерінің бірінші ауысымындағы 0-9 сынып оқушылары үшін сабақ қашықтан оқыту форматына ауысады», - деді қалалық Білім басқармасынан. Нұр-Сұлтанда аздаған қар жауып, термометр бағаны -25 градусты көрсетіп тұр. Сезілу -36 градус. Еске салайық, ауа райына байланысты Атырау облысында да кезекші сыныптар онлайн оқу форматына көшірілді. Синоптиктер 25-27 ақпан аралығында еліміздің басым бөлігінде аяздар сақталатынын ескерткен болатын. Сондай-ақ жекелеген өңірде қар жауып, боран соғатыны айтылды.