Алматыда колледжге түсудің шарты өзгерді

18.06.2021, 09:11 inform.kz

АЛМАТЫ. ҚазАқпарат – Биыл Алматы колледждеріне оқуға түсу талабы өзгерді. Мұндағы жаңалық – емтихандардың болмауы. Тек мемлекеттік тапсырыс бойынша педагогикалық, медициналық пен шығармашылық мамандықтарына түсушілер арнайы емтихан тапсырады. Бұл туралы онлайн брифинг барысында Алматы қалалық білім басқармасының техникалық және кәсіптік білім беру бөлімінің басшысы Әсет Мұханбетов жаңа механизм «студентке ақша» қағидатына негізделгенін айтты, деп хабарлайды ҚазАқпарат тілшісі. Оның айтуынша, мемлекеттік тапсырыс талапкердің таңдауы бойынша колледждерге нақты қабылдау нәтижелері бойынша орналасады. «Мемлекеттік тапсырыс белгілі бір ұпай жинаған және бәсекеге қабілетті колледждерге беріледі.