Алматылық торакалды хирургтар кеуде қуысының пішіні бұзылған науқастарға МӘМС шеңберінде ота жасайды

26.09.2022, 10:48 almaty-akshamy.kz

Салдарынан оның тыныс алуы, қозғалысы қиындаған, деп хабарлайды Almaty-akshamy.kz Алматыдағы №1 қалалық клиникалық аурухананың баспасөз қызметіне сілтеме жасап. Анасының айтуынша, баланың кеудесіндегі патология 6 жасында пайда болған. Уақыт өте келе, томпайып шығып, үлкейе бастапты. Жан-жақты тексергеннен кейін торакальды хирургтар ота жасау туралы шешім қабылдады. Пациент «Туабітті жүрек ақауы. Кеуде қуысының деформациялануы. 3-ші деңгейлі ассиметрия» деген диагнозбен аурухананың торакальды хирургия орталығына жатқызылды. Нұрлан Жарылқапов пен Мұқтар Нысанбай, анестизиолог Таива Ракова мен операциялық медбике Динара орталықтан құралған бригада күрделі отаны сәтті жасап шықты. «Операция міндетті әлеуметтік медициналық сақтандыру шеңберінде жасалды. Пациентке Кандрашин әдісі бойынша торакапластика жасалып, кеуде қуысына титан пластина орнатылды. Науқас отадан соң 7 күн өткеннен кейін ауруханадан шықты», - дейді торакалды хирург Мұқтар Нысанбай. Кеуде қуысының деформациясы әдетте туабітті немесе жүре пайда болады. Бұл ақау көбіне ұл балаларда кездеседі. Уақтылы түзетпесе асқынып, пациенттің тыныс алуы қиындап, кеуде тұсы аура бастайды. Бір жақсысы, қазір оны хирургиялық жолмен түзетуге болады. Естеріңізге салсақ, 18 жасқа дейінгі балалар мемлекет тарапынан сақтандырылады және медициналық қызметті ақысыз пайдалана алады.