Хәрри Поттер қазақ оқырманына «шапан жамылып, тымақ киіп» келді

04.02.2020, 11:13 inform.kz

НҰР-СҰЛТАН. ҚазАқпарат – Әлемге әйгілі ағылшын жазушысы Жоан Роулиң жазған романдар желісінің басты кейіпкерлері – Хәрри Поттер, оның ұстаздары Албус Дамблдор мен Северус Снейп, достары Рон Уизли мен Хәрмиона Грейнжер қазақ оқырманымен қауышты. Әлемге әйгілі сиқыршылардың бұл келісінің жөні бөлек. Ұлт ұстазы Ахмет Байтұрсынұлының сөзімен айтқанда, «Hogwarts» мектебінің тәлімгерлері мен түлектері елімізге «қазақтың шапанын жамылып, тымағын киіп келді». Пойыз күткен «миллиардер» 1990 жылы Манчестер-Лондон бағытындағы пойызда келе жатқан Жоан Роулиңнің басына Хәрри Поттер жайлы идея, өзінің айтуынша, «құлап түседі». «Алты жасымнан бастап әңгіме жазып келемін. Бірақ бұл ой желісі мені баурап, б