Қордай ауданында қаза болғандар саны 11-ге жетті

13.02.2020, 12:54 oinet.kz

Қордай ауданында қаза болғандар саны 11-ге жетті, деп хабарлайды Tengrinews.kz порталына сілтеме берген Oinet.kz. "2020 жылдың 11 ақпанында сағат 12:07-де Жамбыл облысы Полиция департаментінің кезекші бөліміне, Қордай ауданының Масанчи ауылында, сауда орталығы ғимаратын (өрттен кейін шатырдың құлауы болған), тазарту кезінде, қираған үйінділердің астында адамның күйген денесі табылды. Мәйіттің жеке басын анықтау үшін сот-медициналық сараптама тағайындалды. Жедел алдын-алу шаралары жүргізіліп жатыр", - деп жазды Жамбыл облысы әкімінің кеңесшісі Қанат Құлшманов Facebook желісіндегі парақшасында. Мұның алдында Қордай ауданындағы қақтығыстан қаза тапқандардың саны 10-ға жеткені хабарланған еді.