Оралдағы орталық даңғылдардың біріне Абайдың есімін беру ұсынылды

19.02.2020, 15:02 inform.kz

ОРАЛ. ҚазАқпарат – Оралдағы Еуразия даңғылына ұлы Абайдың есімін беру ұсынылды, деп хабарлайды ҚазАқпарат тілшісі. Бүгін Орал қалалық ономастикалық нысандардың тарихи және дәстүрлі атауларын қалпына келтіру бойынша ұсыныстарды зерделеу және пысықтау жөніндегі жұмыс тобының кеңейтілген отырысы болып, онда аталған мәселе бірауыздан қолдау тапты. Жиынды жүргізген қала әкімі Абат Шыныбековтің атап өткеніндей, Президент Қасым-Жомарт Тоқаевтың тапсырмасына сәйкес биыл Абайдың 175 жылдығы кеңінен тойлануда. Кеше Абайдың мерейтойына арналған шаралар Орал төрінде салтанатпен ашылса, бүгін Қазақстан Жазушылар одағы БҚО филиалынан Еуразия даңғылына Абайдың есімін беру туралы ұсыныс түсті. «Мемлекет ба