Бүгін екі қалада ауа сапасы нашарлайды

07.03.2020, 12:43 inform.kz

НҰР-СҰЛТАН. ҚазАқпарат – «Қазгидромет» РМК Қазақстан қалаларындағы метеорологиялық ахуал туралы айтты, деп хабарлайды ҚазАқпарат. 7 наурыз күні ауа сапасы еліміздің екі қаласында - Қарағанды мен Теміртауда нашарлайтыны болжанады. Өзге шаһарларда атмосфералық ауаның ластануы күтілмейді. Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.