Ангела Меркель үй карантиніне жабылды

23.03.2020, 08:47 ktk.kz

Германия үкіметінің ресми өкілі Штеффен Зайберттің сөзіне қарағанда екі күн бұрын Меркель барған дәрігерден коронавирус табылған. Ол кезде дәрігер Меркельге пневмомок инфекциясына қарсы екпе салған. Ангела Меркель бірнеше күн бойы коронавирус бойынша тестен өтпек. Ол қызметтік міндетін карантин жағдайында үйден атқара береді. Айта кетейік, Германияда коронавирустың өрши түсуіне байланысты қазір екі адамнан көп жиналуға тыйым салынуда. Онда індетті жұқтырғандар саны 25 мыңға жетті. Көз жұмғандар – 94. Ал 266 науқас құлан таза айығып шықты.