Елордада су тасқынына қарсы ауқымды іс-шара жүргізіліп жатыр

24.03.2020, 04:06 inform.kz

НҰР-СҰЛТАН. ҚазАқпарат - Елордада су тасқынына қарсы сақтық шаралары жүргізіліп жатыр. Өзен арнасын қайта жаңарту, су реттегіш бөгет салу, арықтарды, нөсер суына арналған жүйелерді тазарту жұмыстары қолға алынған, деп хабарлайды ҚазАқпарат Елорда әкімі Алтай Көлгінов су реттегіш бөгет салу, өзен арнасын кеңейту, үйінді бөгет салу, дамбаны биіктету жұмыстарының барысын тексерді. «Су реттегішке күрделі жөндеу жүргізу қажет. Экология министрлігімен бірлесіп тиісті өтінім жіберілді. Бұл реттегіштің өткізу қабілетін арттыруға мүмкіндік береді. Бүгінде қаланы және шеткері аймақтарды су тасқынынан қорғайтын су реттегіштің жұмыс тәртібі бекітілді. Майбалық көлінің арнасын қардан тазартып жатырмыз.