Қарағанды облысында қауіпті вирус жұқтырғандар саны артты

10.04.2020, 16:56 24.kz

Қарағанды облысында бүгін тағы төрт адамнан COVID-19 анықталды, деп хабарлайды «Хабар 24».Қазір олар бокстарға оқшауланып, емдеу курсынан өтуде. Жұқтырғандармен байланыста болған адамдардың барлығы медициналық бақылауға алынды. Ауру ошақтарында дезинфекция жүргізіледі.Осы уақытта Қарағанды облысында коронавирустық инфекцияның зертханалық түрде 61 жағдайы тіркеліп отыр. Жағымды жаңалық та бар, COVID-19 жұқтырып, реанимацияда жатқан екі науқастың жағдайы жақсарып, палатаға ауыстырылды. Қазір үй карантинінде 1200 адам бар. Тәулік бойы бақылауда 795 пациент отыр. Вирусқа қарсы жұмысқа барлығы 690 медицина қызметкері тартылған.