Шарль де Гольдің «Қарсылық қозғалысына» қатысқан «Малыш» лақап атты партизан – Қабыш Омаров

09.05.2020, 08:28 inform.kz

НҰР-СҰЛТАН. ҚазАқпарат – Екінші Дүниежүзілік соғыс кезінде қазақтың ержүрек ұлдары жанын шүберекке түйіп, бүгін біз 75 жылдығын тойлап жатқан Жеңістің жетуіне өлшеусіз үлес қосты. Соның бірі – ұлы Абайдың туған жерінде дүние есігін ашқан, француз қарсылық қозғалысының мүшесі, партизан, спорт шебері Қабыш Омаров. Батырдың майдан даласы мен соғыстан кейінгі өнегелі өмірі жайлы жиені Ерлан Ықыласовпен әңгімелескен едік. Олимпиада чемпионы Жақсылық Үшкемпіров те кезінде ұстазы болған майдангер жайлы естелігімен қуана-қуана бөлісті. «Нағашы атам Қабыш Омарұлы Омаров 1919 жылы 15 мамырда Шыңғыстауда, бұрынғы Семей облысы Абай ауданының Қарауыл ауылында дүниеге келген» деп бастады әңгімесін Ерлан