Атырауда демалыс күндері карантиндік шектеу шаралары күшейтіледі

26.06.2020, 00:30 24.kz

Облыстың бас санитарлық дәрігері ауру санының күрт өсуіне байланысты уақытша шектеу шараларын енгізу туралы жаңа қаулыға қол қойды.27 және 28 маусымда қаладағы ойын-сауық орталықтары, сұлулық салондары және демалыс орындарының, сондай-ақ базарлар, азық-түліктік және азық-түліктік емес сауда нүктелері, дәмханалар мен мейрамханалар, фитнес орталықтары, моншалар мен бассейндердің жұмысы тоқтатылады. Қоғамдық көліктердің де жүруіне тыйым салынбақ. Тұрғындардың азық-түлік пен дәрі-дәрмек сатып алудан басқа мақсатта жүріп-тұруына рұқсат берілмейді. Жағалаулар мен жағажайларға баруға да тыйым салынады. Мамандардың айтуынша, мұндай шектеулер қауіптің бетін қайтаруға сеп болмақ.