ПТР анықтамасыз ұшып келген Өзбекстан азаматы депортацияланды

10.05.2021, 10:02 baq.kz

Нұр-Сұлтан, BAQ.KZ. 9 мамырда Қазақстан Республикасының аумағына Германия, Мальдив Республикасы, БАӘ, Мысыр, Түркия, Украина, Грузия, Тәжікстан, Ресей Федерациясы, Тәжікстан, Өзбекстан және Қырғызстаннан 24 халықаралық әуе рейсі келді. Өткен тәулікте 4 013 авиажолаушы келді. Оның ішінде: Алматы қаласының әуежайына – 13 рейс, 2 380 жолаушы; Нұр-Сұлтан қаласының әуежайына – 7 рейс, 1 193 жолаушы; Шымкент қаласының әуежайына – 1 рейс, 145 жолаушы; Атырау қаласының әуежайына – 1 рейс, 159 жолаушы; Ақтау қаласының әуежайына – 2 рейс, 136 жолаушы. Сонымен қатар 9 мамырда Ташкент – Алматы авиарейсімен ПТР анықтамасыз ұшып келген Өзбекстан азаматы Алматы қаласының әуежайынан депортацияланды.