«Көмір қазуға шахтаға енді түспеймін» – жарылыстан аман қалған кеншілер ауруханадан шықты

16.11.2021, 03:21 aikyn.kz

Шахтер Элайдын Зейналов пен Жеңіс Маралбаев өткен аптада жансақтау бөлімінен жалпы палатаға ауыстырылған еді. Бір аптадай дәрігерлердің бақылауында болған олардың денсаулығы қазір жақсы. Десе де қос кеншінің бойында үрей қалған. Олар шахтаға қайтып түскісі келмейді. 40 жылға жуық көмір кенішінде еңбек еткен азаматтар өзге жұмысқа ауысуға ниетті. 7 қарашада таңғы сағат 8 жарымда Абай шахтасында метан газы жарылған. Жер астында болған 64 кеншінің 56-сы қашып шықса, апат ошағында болған 8 кенші қаза тапты.