Арқаға арқар қайта жерсіне ме?

17.11.2021, 03:00 aikyn.kz

Біз бүгінде «Арқада қыс жылы болса, арқар ауып несі бар?» деген тәмсілге сүйеніп, айдың, күннің аманында кең-байтақтың қоңыр аңына ие бола алмағанымызды ауа райы­ның қолайсыздығына ысыра салуға әдеттенгенбіз. Негізінен гәп қыстың ғана емес, өзіміздің де қытымыр­лығымызда болып тұр. Жер дүние тыныштығын Құдайдың құтты күні тікұшақтың тырылымен, оптикалық мылтықтың тырсылымен қашыра берсек, қырқасы аз құба жонға қоңыр құлжа қайтіп тұрақтамақ?! Әңгімені әріден бастасақ, ежелгі сақ дәуірінде осы кәдімгі арқар елдігіміздің рухты символдарының бірі болғаны мәлім. Мысалы, Есік қаласының маңынан табылған Алтын адам баскиімінің жоғары бөлігіндегі алтыннан құйылған арқар мүсіні мен көне Берел қазбала