Астанада Орталық Азиядағы ең үлкен мешіт ашылды

12.08.2022, 09:53 inform.kz

 Елордада Орталық Азиядағы ең үлкен мешіт ашылды. Ашылу рәсіміне Елбасы Нұрсұлтан Назарбаев арнайы қатысты, деп хабарлайды ҚазАқпарат тілшісі. «Бүгін еліміздің рухани өмірінде елеуі күн, тарихи сәт. Қазақ топырағында бұрын-соңды болмаған, арғы бергі тарихымызда кездеспейтін, Қазақстан Республикасының Тұңғыш Президенті Нұрсұлтан Назарбаевтың бастамасымен салынған сәулеті мен сәні жарасқан зәулім мешіттің ашылу рәсіміне қош келдіңіздер. Алла тағала мешітке басып келген қадамдарыңызға сауаптан бергей!» - деді Қазақстан мұсылмандар діни басқармасының төрағасы Наурызбай қажы Тағанұлы.