Бизнесті тексеруге жарияланған мораторий 2024 жылға дейін ұзартылды
Мәжілісте «AMANAT» партиясы фракциясының кеңейтілген отырысы өтіп жатыр. Жиынға Үкімет басшысы Әлихан Смайылов қатысты. Ол үкіметтің жұмысы, әлеуметтік саланы дамытудың алдағы жоспары туралы айтты, - деп хабарлайды Alashainasy.kz тілшісі Аikyn.kz-ке сілтеме жасап.
Әлихан Смайыловтың айтуынша, бизнесті жүргізу үшін жағдайларды жақсарту бойынша жүйелі жұмыс іске асып жатыр.
2020 жылдан бастап елімізде шағын және микробизнеске тексеру жүргізуге жарияланған мораторий 2024 жылға дейін ұзартылды.
Орта бизнестің үлесі 2019 жылмен салыстырғанда 31,7 пайыздан 36,5 пайызға дейін өсті.
Жұмыс істеп тұрған шағын және орта кәсіпкерлік субъектілерінің саны тек соңғы 1 жылда 27 пайызға өсіп, 1,8 млн-нан асты. Осы секторда жұмыспен қамтылғандардың жалпы саны бір жылда 18 пайызға артып, 4,1 млн адамға жетті.
Оң нәтижелер кәсіпкерлік қоғамдастық пен билік органдарының өзара іс-қимылының тиімділігімен байланысты.
«Таза парақтан реттеу» қағидаты сәтті енгізілуде. 44 салада 128 мың талапқа талдау жүргізілді. Оның ішінде жаңа реттеуші саясаттың шарттарына сәйкес келмейтін 10 мыңнан астам талап анықталды. Қазірдің өзінде оның 9 мыңы алынып тасталды.
Сондай-ақ бизнесті тексеруге мораторий аяқталғаннан кейін 2024 жылғы 1 қаңтардан бастап мемлекеттік бақылау және қадағалау салаларындағы тәуекелдерді басқару жүйелерін автоматтандыру бойынша жұмыс жүргізілуде. Осындай автоматтандырылған тәсіл тексерулерді адамның қатысуынсыз тағайындауға мүмкіндік береді.
Нәтижесінде, бизнесті жоспарлы тексерулер 2 есеге қысқарады.
Микро және шағын бизнес үшін еңбекақы төлеу қорынан бірыңғай төлем енгізілді.
Жалпы мөлшерлеме 34,5 пайыздан 20 пайызға дейін төмендетілді.
Соңғы сағатта көп оқылған жаңалықтар осында Massaget.kz
- Соңғы
- Тамыз, 31
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
30 маусым 2026
