"Жасыл аймақ": Түркістандық ардагерлер саябаққа 100...

25.04.2024, 09:31 turkistan.today

Республикалық экоакцияға түркістандық ардагерлер мен өзге ұлт өкілдері үлес қосып, облыс орталығындағы «Парасат» саябағына 100 дана боз арша көшеттерін отырғызды,- деп хабарлайды turkistan.today порталы Түркістан облысының Өңірлік коммуникациялар қызметіне сілтеме жасап.Айта кетсек, арша ағашын ел ішінде «денсаулық ағашы» деп те атайды. Өйткені ол жылына орта есеппен 1 тоннадан аса шаң жұтып, айналасына 1 500 литр оттегі бөліп шығарады. Арша орманының 1 гектары жылына 18 миллион текше метр ауаны көміртегі газынан тазартады. Сондай-ақ, қоршаған ортаны 50-65 тоннаға дейін зиянды газдардан арылтып, сүзіп отырады. Шара барысында ардагерлер барша түркістандықтарды экоакцияға белсенді түрде қатысуға шақырды.