Шерзат Полаттың ісі бойынша тергеу аяқталды

22.01.2025, 06:47 kaz.365info.kz

Қазір тараптар тергеу материалдарымен танысуда. Бұл туралы Алматы облысының полиция департаменті ақпарат таратты. «Өткен жылы 4 қазанға қараған түні болған кәмелетке толмаған адамды өлтіру фактісі бойынша қылмыстық істі тергеу аяқталды. Қазіргі уақытта тараптарды сотқа дейінгі тергеу материалдарымен таныстыру процесі жүріп жатыр. Тараптар танысқаннан кейін қылмыстық іс оның заңдылығын тексеру және сотқа жіберу туралы мәселені шешу үшін прокурорға жіберіледі», – деп хабарлады облыстық ПД баспасөз қызметі. Еске салсақ, былтыр 4-ші қазанында Талғар қаласындағы төбелес кезінде Шерзат Полат қайтыс болған еді. 12 қазан күні түнде қара жамылған отбасының үйі өртеніп кетті. Алматы облысының полиция департаменті бөтеннің мүлкін қасақана жою фактісі бойынша іс қозғаған.